Véndete tú ye una acción que pa la so execución LLABoral fixo un llamamientu, empobináu a persones entamadores, inquietes y creatives, dispuestes a compartir les sos propuestes, habilidaes y idees y que busquen promoción y visibilidá. Abierto a tou tipu d’individuos dispuestos a presentar cualquier clas de trabayu, empresa o proyectu, les iniciatives seleccionaes son bien variaes –incluyen dende’l desenvolvimientu d’una plantación de té nes brañes d’Asturies, a una propuesta pa xenerar enerxía al traviés de les máquines deportives d’un ximnasiu, que pueda almacenase en bateríes y repartise ente persones que lo precisen-. Toes elles tienen como denominador común la so condición de ser sinceres, abiertes, imaxinatives y que proceden de persones de toles edaes y condiciones, más rellaciones cola vida real que col arte.
La instalación va mostrar les 22 cápsules de videu filmaes por Eugenio Ampudia y l’equipu d’audiovisuales de LLABoral. Nelles, los responsables de los proyectos seleccionaos espliquen lo que quieren facer y qué posibilidaes tienen d’apurrir idees nueves a la sociedá onde viven.
Véndete tú quier poner en valor y introducir nel espaciu de LLABoral Centru d’Arte propuestes y estratexes ideaes polos ciudadanos d’Asturies que contribuyan a abrir posibilidaes nueves a la demás comunidá y propicien un intercambéu d’idees y conocimientu, nun marcu como’l Centru d’Arte.