Realidaes y ficciones sobre una conexón rural-urbana. Un proyectu de Rubén Suárez y Marianna Nieddu.
A partir del análisis de les fractures producíes, a lo llargo de los dos últimos sieglos, na rellación campu-ciudá, muéstranos utopíes, distopíes y realidaes, nun xuegu proyectual que fala de la re-conexón y hibridación ente sitios (del gr. topikós < tópos, sitiu) dende perspectives artístiques, lúdiques, culturales y tecnolóxiques.
La esposición xenera un percorríu interactivu qu’analiza les rellaciones campu-ciudá y que va dende los conceptos de “non-sitiu” al de “bon-sitiu”.
Convida al visitante a comprender, proponer y repensar la realidá rural y urbana, encáralu col análisis y la xeneración de la propuesta utópica, porque la utopía entendida como la proyección humana d’un mundu idealizáu, que se presenta como alternativa al mundu realmente existente, ta presente na nuestra vida y nel nuestru imaxinariu de munches formes, y el so devenir ye cambiante, pero como diz Galeano, la utopía siempre nos “val p’andar”.