L’alquimista impasible y el so cine de fantasía
La esposición presenta un homenaxe al cine esperimental y independiente, pero nun ta formulada como una historia alternativa al cine de consumu. La idea consiste en definir el cine dende práctiques que, davezu, contravienen tópicos; muestren un mundu del cine que pue exercese de formes averaes a la pintura, la música o l’ensayu. Todos conocemos a los hermanos Lumière, pero poco sabemos de Segundo de Chomón (Teruel, 1871 – París, 1929), ún de los primeros directores de cine mudu.
Pioneru del cine español, entregó la so imaxinación escomanada al desenvolvimientu del mediu nuevu. Fundó la primer productora de cine nel nuestru país, Macaya y Carro, y un taller de coloriáu y rotuláu onde esperimentaba los primeros filmes científicos. N’España foi’l creador del xéneru «zarzuelísticu» nel cine. Director, técnicu d’illuminación y de fotografía, especialista en trucaxes y reveláu, pioneru del cine fantásticu y d’animación, foi una de les personalidades más rescamplantes –y fascinantes– de los primeros 30 años d’existencia del séptimu arte. Na esposición pueden vese dalgunos de los sos metraxes ambientaos cola música realizada a costafecha por Juan Prieto [Akasha] y Roberto Lorenzo [Rob Loren].