Pablo Valbuena. Para-Sites

Para-Sites axunta una serie d’intervenciones sutiles concebíes pa espacios intersticiales de LLABoral, allugamientos y elementos arquitectónicos d’escala humana. Al traviés de proyecciones superpónse una realidá paralela a la del propiu espaciu. Funcionen como parásitos perturbando y alteriando la percepción que tenemos d’un sitiu yá conocíu. 

Esti proyectu inscríbese dientro de la llinia d’investigación y creación desenvuelta n’instalaciones de recién. Pablo Valbuena esplora la rellación del nuestru cuerpu como interfaz col espaciu circundante, la xeneración d’espacios mentales, l’espaciu/tiempu, la manipulación de la percepción al traviés del usu de la lluz/solombra, la perspectiva, l’engañagüeyos. Les instalaciones resultantes siempre tienen un calter específicu, vinculáu intrínsecamente cola arquitectura y interactúen col espaciu mesmu pal que tán concebíes.