LLABoral entamó, el tercer añu siguíu, el SummerLAB, un alcuentru de creadores y desenvolvedores dixitales que s’axunten pa facer proyectos de forma collaborativa. Tres d’una convocatoria internacional, escoyéronse ocho propuestes pa desenvolver en diez díes del mes de xunetu en Plataforma 0 LLABoral Centru de Producción.
La convocatoria fixo un llamamientu especial a aquellos trabayos comprometíos cola utilización de tecnoloxíes móviles o derivaes; la xeneración de recursos pa la comunidá de creadores; l’aportación de soluciones innovadores nel aspectu creativu y técnicu, con una aplicación de valor social, comprometida col entornu. SummerLAB_2010 promovió la investigación y el desenvolvimientu de producciones nel marcu de la movilidá, les tecnoloxíes móviles y la manera en qu’éstes xeneren procesos y narratives nuevos.
SummerLAB Showcase ufierta la oportunidá a los creadores y desenvolvedores de presentar y documentar los sos trabayos nun marcu espositivu nuevu, integrando asina cuatro árees fundamentales na actividá de LLABoral: educación, investigación, producción y esposición.