Mediateca Espandida. Habitar

Los arquitectos radicales y utópicos de los años 60 anticiparon que les ciudaes del futuru nun diben tar feches namás de lladriyu, cristal y asfaltu; un ciudadanu diba ser un nómada que viaxa per un espaciu en fluxu constante, que muta y se redefine sobre la marcha. Les sos profecíes garraron un significáu nuevu na era na que les redes d’información gobiernen y condicionen el funcionamientu de la ciudá na mesma midida que les infraestructures físiques, y na que les tecnoloxíes móviles tresformaron el sentíu de sitiu. L’arquitectura y l’urbanismu nun operen solos nesti paisaxe urbanu nuevu. En realidá, vense aumentaes por metodoloxíes nueves que s’usen pa midir, representar y mapiar procesos dinámicos como’l movimientu del tráficu o l’actividá de les redes de telefonía móvil. Visualizar los patrones d’usu d’estos sistemes y mapiar la vida de la ciudá amplifica la nuestra consciencia colectiva del mediu urbanu como un organismu vivu. Arquitectures blandes y invisibles pa espacios sensibles y reactivos.