Vixilante de los comportamientos sociales, Vicente Verdú describe’l capitalismu de ficción actual como una última fase na que’l sistema dexa d’ocupase de los bienes materiales pa encargase del bienestar psíquicu. Un sistema empeñáu en construyir realidá, una realidá ameyorada, lliberáu de cualquier antipoder que nun se pueda asimilar, onde «el mesmu capitalismu desapaez como organización social y económica concreta pa tresformase en civilización» y «tolo que pueda ser meyor alcuéntrase incluyío nes sos potencialidaes globalizaes, absorbentes, porque inclusive l’aventura estrema, la cara de la Revolución o’l terrorismu, asúmense como estímulos del so espectáculu».
Esta capacidá del sistema pa neutralizar y inclusive fortalecese gracies a la comercialización de la so propia crítica, ye señalada por Heath y Potter en Rebelase viende, onde, en contra de la postura del consumu como alienación que defende Boadrillard, proclamen que «ye la rebeldía, y non el conformismu, lo que controla’l funcionamientu del mercáu dende hai décades» y destaquen lo irónico de que «la rebeldía contracultural, en cuenta d’una consecuencia, fore precisamente una causa del aumentu de consumismu».
Teoría ésta que conecta coles idees de Bourdieu sobre la «distinción» como esclusión de clas. Gilles Lipovetsky, otru sociólogu francés, apártase d’esta lóxica de la distinción pa responder que «nos nuestros díes, el luxu ta más al serviciu de la promoción d’una imaxe personal que d’una imaxe de clas». Tanto Lipovestky como Verdú lleguen a depositar nel consumu facultaes emancipatories y perciben una era dominada pol individualismu afectivu. N’otra posición bien estremada pero igual d’aguda nel so análisis de la sociedá contemporánea, Hardt y Negri coinciden nesta factoría de los afectos cuando falen del trabayu afectivu: «la industria del entretenimientu, una suerte de simulacros que fácilmente trespasen la llinia ficción-realidá. Esto ye, si munchos de los creadores actuales interesaos na cultura de mases y les sos industries creatives, s’esforcien en producir parodies, en PSJM esforciámonos por xenerar simulacros, non parodies. Munches de les nuestres pieces podríen pasar por ser parte de la realidá, realidá que como bien sabemos ta malo de separtar güei de la ficción producida polos medios. El proyectu que presentamos a Llaboral Centru d’Arte y Creación Industrial ye a la fin eso: arte y creación industrial. Una propuesta ambiciosa que recueye munches de les inquietúes espresaes n’otros trabayos de PSJM y qu’apurre otres nueves al nuestru discursu. La obra parte d’un conceptu cenciellu que se desplega nun bon númberu de medios y disciplines. Esti conceptu primeru consiste na creación y rexistru de la marca MARX®, que va vese materializada en tolos oxetos que necesariamente se tienen que producir pa presentala, como productos (jeans, camises, vistíos, zapatos), campaña publicitaria (spot, marquesines, prensa, catálogu, música orixinal) y la boutique MARX®. Proponemos entós una obra que teniendo presencia como instalación dientro d’una de les sales del muséu, escápase d’él ocupando l’espaciu públicu previamente al traviés de la so publicidá esterior y más tarde pola circulación de productos fuera de la institución.
Concéntrase amás na «creación y la manipulación del afectu». Categoríes como los «servicios personales» o la «atención personalizada» úsense a menudo pa identificar esta clas de trabayu, pero lo realmente esencial d’estes xeres ye la creación y manipulación d’afectu».
El proyectu MARX® enmárcase dientro d’esti debate contemporaneu, reflexa col simulacru les paradoxes que presenta la crítica al sistema nel capitalismu actual y somórguiase nes esmoliciones d’identidá del individuu. «Fai como nós, sé diferente», el slogan de la marca reproduz el mensaxe paradóxicu que podemos guapamente acolumbrar nos medios de comunicación. Algama la to individualidá, sé tu mesmu, consumiendo, eso sí, bienes seriaos, producíos en masa. Esta tensión ente l’individuu y la producción en serie, lo esclusivo y lo masivo industrial, ente les industries de la suxetividá y lo oxetivo tecnolóxico, materialízase nos productos MARX®, que se faen únicos gracies al so númberu de seriación visible y diferenciador.
Aquello que define la llinia de trabayu del nuestru equipu y qu’en dalguna midida nos estrema de los demás artistes de la nuestra xeneración nun ye tanto’l tener el güeyu puestu nos acontecimientos socio-económico-políticos de la nuestra rodiada y representalos, como’l facer usu de los mecanismos propios de la industria cultural, sobre manera na so estaya de seducción comercial, p’asina crear dientro del marcu del arte contemporaneu una serie de simulacros que fácilmente trespasen la llinia ficción-realidá. Quier dicise, si munchos de los creadores actuales interesaos na cultura de mases y les sos industries creatives traten de producir parodies, en PSJM esforciámonos en xenerar simulacros, non parodies. Munches de les nuestres pieces podríen pasar por ser parte de la realidá, realidá que como bien sabemos ta malo de separtar güei de la ficción producida polos medios.
El proyectu que presentamos a Llaboral Centru d’Arte y Creación Industrial ye en resume eso: arte y creación industrial. Una propuesta ambiciosa que recueye munches de les inquietúes espresaes n’otros trabayos de PSJM y qu’apurre otres nueves al nuestru discursu.
La obra parte d’un conceptu cenciellu que se desplega nun bon númberu de medios y disciplines. Esti conceptu primeru consiste na creación y rexistru de la marca MARX®, que va vese materializada en tolos oxetos que necesariamente se tienen que producir pa presentala, como productos (jeans, camises, vistíos, zapatos), campaña publicitaria (spot, marquesines, prensa, catálogu, música orixinal) y la boutique MARX®. Proponemos entós una obra que teniendo presencia como instalación dientro d’una de les sales del muséu, escápase d’él ocupando l’espaciu públicu previamente al traviés de la so publicidá esterior y más tarde pola circulación de productos fuera de la institución.