Videoinstalación compuesta por una proyección sobre cartón (DVD color y soníu. 45’. 400 x 300 cm) y un monitor de plasma (DVD color y soníu. 45’). Dimensiones variables.
Edición:
Colección MUSAC-Muséu d’Arte Contemporaneu de Castiella y Llión
Despliegue ye una performance que garra la forma final d’una videoinstalación. L’acción rexístrase al tiempu por dos cámares: una fixa, asitiada nel techu sobre l’espaciu nel que se desenvuelve, y otra na mano de l’artista. Dambes cámares son testigos paralelos d’un procesu introspectivu nel que La Ribot enllena’l so entornu de dellos oxetos y performances que formaron parte de la so serie d’acciones Still Distinguished. Toos estos elementos espárdense a lo llargo y ancho d’un cartón (el mesmu nel qu’agora se proyecten les imáxenes), creando un escenariu vivu del que se nutre l’acción y de la que ye tamién resultáu.
Al traviés de dos miraes opuestes, la del espectador, identificáu cola cámara cenital, y la de l’artista, inmersa nel espaciu mesmu de representación, apaecen conxugaes les dos partes contraries, pero complementaries, en tou procesu de creación. La Ribot garra conciencia de la so existencia mesma a partir de tolos elementos que formen el so entornu y de los que se val pa recrear la so identidá. De la so mano introducímonos nun universu personal enigmáticu, construyíu a partir d’asociaciones conceptuales y de les tensiones que surden ente la performance, la danza y les artes visuales.
Coincidiendo cola esposición en LLABoral, La Ribot va presentar la pieza Llámame Mariachi nel Teatru Xovellanos [+]