Javier Longobardo: Space Clips

Space Clips ye un proyectu audiovisual qu’usa’l videoclip como formatu de gran poder sensorial, dada la so condición de llinguaxe integráu. Éstos son vídeos frutu de collaboraciones con músicos, d’encargos y del deséu personal del artista de dar una imaxe a la música que-y presta. Parte d’esti trabayu intégrenlu tamién les escultures oxetu que muestren diapositives de paisaxes virtuales; los visores 3D, que como oxetos turísticos dexen dar a los sitios del espaciu una impresión de realidá alloñada y visitada puramente mental. Space Clips básase nos recursos paisaxísticos del xéneru cinematográficu de les road movies y na ciencia ficción, como paradigma de la especulación na creación de mundos fantásticos y ilimitaos. Los procesos infográficos con tecnoloxía 3D colos que trabaya faen posible recreaciones espacialmente coherentes, pero ensin llendes físiques, lo qu’ayuda a reflexar les ambientaciones épiques propies del mundu de la ciencia ficción y que son un abellugu llexítimu del paisaxe románticu nel que ta centráu agora.