Les pieces nacen como continuidá a un trabayu anterior, ye’l sitiu onde m’emburria la busca de constantes, tratando de reflexar aquellos sitios que muerren en sí mesmos, los últimos de la so casa, pero non por eso’l final de nada. Pieces onde imaxe y soníu conformen un conxuntu zarráu que contién el «paisaxe» complexu. El global del proyectu formalízase en diez «sarcófagos de finxos» que contienen un sitiu indetermináu non identificáu más que pola so representación fotográfica y una pista d’audiu; conxugando imaxe y soníu nuna obra non cinematográfica, tratando de trescender d’esta manera formes y formatos.
Nun esfuerciu por recoyer el paisaxe, pero non entendiéndolu como’l sitiu o la contorna, sinón el momentu; tiempu y espaciu como elementos de moderación pa un daqué determinante, pa un facto determináu.