Gilberto Esparza. Plantas Nómadas

Plantas nómadas ye una metáfora de la condición humana alienada y del impactu que xenera la so actividá na naturaleza. La obra ye una investigación que busca xenerar reflexones crítiques sobre l’ambigüedá de la fuercia que tien la tecnoloxía. Incluye un robotín autómata (planta nómada) qu’anda escontra l’agua cuando les sos bacteries precisen alimentase. Nel so interior lleva vexetales y microorganismos que viven dientro del cuerpu de la máquina de manera simbiótica. El robó garra agua residual d’un ríu contamináu, descompón los sos elementos, ayuda a crear enerxía p’alimentar el so cerebru y lo demás úsalo pa crear vida, calteniendo plantes que, al mesmu tiempu, cumplen el so propiu ciclu de vida. La instalación ta formada, amás, pol videu del procesu de creación de la planta nómada, el documental filmáu pol artista cuando l’autómata actuaba nel ríu Santiago, El Salto, Jalisco (México), les imáxenes sacaes pol artista y pola páxina web del proyectu.