Drift

L’artista Jana Winderen comenta alredor de la so obra: «Préstame muncho la inmaterialidá de les obres sonores y la so predisposición a la esperiencia asociativa y directa y a la percepción sensorial. Nos dos últimos años dediquéme a la busca de soníos desconocíos, incluyendo grabaciones de campu aleatories, lo que me dexó axuntar rexistros fechos en ríos, playes y océanos cola ayuda d’hidrófonos, y apocayá, en glaciares d’Islandia, Noruega y Groenlandia. Nestos momentos toi tamién esperimentando con delles clases de micrófonos colos que capto soníos malos de reconocer que faen posible llectures muncho más amplies y más imaxinatives».