Desea, Piensa, Parpadea ye una instalación multimedia inspirada nel comportamientu neuronal del pensamientu intuitivu, quier dicise, aquel pensamientu usáu na creación d’idees y la resolución de problemes. La muestra va ser n’Almacén Sur, un espaciu empobináu a abellugar manifestaciones artístiques desenvueltes fuera de los calces habituales y entamaos y xestionaos directamente polos mesmos creadores.
L.I.B.A (Laboratorio de Investigación en Bellas Artes) ye un colectivu de creación recién, que naz nel últimu bieniu 2008/10, de Doctoráu de la Facultá de Belles Artes de la Universidá de Vigo.
De magar se constituyó, n’avientu del 2008, L.I.B.A participó nel Festival “Desfunción” en Pontevedra col so performance “2400 segundos”, na Fundación Serralves (O Porto) con “Perforesearches”, en Roteiro de Creación (Santiago de Compostela) con “Gabinete de crisis”, y la so intervención multimedia na Sala X (Facultá de Belles Artes de Pontevedra).