LLABoral Centru d’Arte y el Conseyu de Mocedá de Xixón (CMX) seleccionaron los artistes que van participar en CABINA, una propuesta d’arte públicu que va rematar cola intervención de los creadores escoyíos en cabines telefóniques de la ciudá de Xixón. Esta iniciativa festexa’l décimu aniversariu de la Sala Astragal, xestionada pol Conseyu de Mocedá de Xixón, pela que pasaron artistes asturianos mozos, que munchos d’ellos siguen desenvolviendo anguaño la so carrera creativa.
LLABoral Centru d’Arte y Creación Industrial y CMX entamaron esta esposición que se va inaugurar esti 6 de payares. La muestra va ocupar la ciudá y usar como puntu d’alcuentru esta Sala. Nel trescursu d’un mes va trazase un percorríu ente la Sala Astragal y LLABoral con intervenciones artístiques en 30 cabines telefóniques asitiaes nesta ruta. A esta convocatoria convidóse a los ganadores del Premiu Astragal y a otros 16 artistes y creadores escoyíos por dambes instituciones.