Anthony McCall. Light Sculptures

Esta instalación monumental concibióse a costafecha pa la sala 1B del Centru d’Arte pola mor de la esposición Noches eléctricas. Dende primeros de los años 70, Anthony McCall (Reinu Uníu, 1946) vien recurriendo al cine pa crear delles escultures animaes de lluz que treslladen al mediu fílmicu los principios estéticos del minimalismu: nun espaciu espositivu enllenu de fumu, el fexe lluminosu crea un volume etereu. Nos sos primeros trabayos, desenvueltos con película de 16 mm, consisten en formes xeométriques cencielles que parten toes de la forma del conu. A primeros d’esti sieglu, McCall empezó a usar ferramientes dixitales pa fraguar formes más complexes. Tamién la duración de les sos pieces s’allargó, y les proyecciones son agora verticales —de techu a suelu— reforciando asina la cualidá arquitectónica de la so obra.