A lo llargo del 2009, cuatro artistes asturianos/es visitaron Guadalajara; depués cuatro artistes mexicanos/es visitaron Asturies (y realizaron una residencia artística en LLABoral). Nel trescursu d’esti intercambéu, los/es artistes conocieron la realidá local y entrevistáronse con movimientos sociales y organizaciones que trabayen mui de cerca’l problema de les migraciones. Depués d’esti trabayu de campu nel que’l mundu del arte trabaya de la mano del tercer sector, los artistes producieron una pieza cola que reflexonaron sobre lo visto y lo vivío.
Alegorías de la Migración ye la esposición resultante de los proyectos producíos a lo llargo del programa. Los artistes, escoyíos pol comisariu pola so condición nómada, recontruyeron la so obra partiendo d’una migración metafórica, señalando hacia l’alegoría d’un viaxe impuestu poles situaciones crítiques propies de la organización política de les sociedaes actuales. En correspondencia a l’acción artística, la creación videográfica y la instalación, reivindica maneres nueves de falar simbólicamente de l’alteridá del nuestru tiempu. Dende una perspectiva que fuxe de la espectacularidá y de l’ambigüedá al dirixise a los problemes existentes nos nuestros sistemes sociales, esta esposición ye un intercambéu simbólicu de los sitios onde viven estos artistes, mostrando proyectos específicos que reflexonan sobre lo que pertenez entá al arte actual.