Superficies de contactu ye una propuesta que busca establecer un diálogu ente les artes visuales y la creación lliteraria a partir de los fondos del Archivu d’Artistes Asturianos/es. La iniciativa convidará a un/a escritor/a a conocer de primera mano la documentación, les trayectories y les obres de los artistes presentes nel Archivu.
¿En qué consiste?
A partir d’esa inmersión, cada participante escoyerá un artista y la so obra como fonte d’inspiración pa desarrollar una creación lliteraria propia, pudiendo adoptar distintos formatos como rellatu curtiu, poesía, ensayu, crónica o testu híbridu. Les condiciones propuestes pa los y les escritores a la d’averáse a cada artista incluyiríen l’accesu prioritariu al Archivu, la posibilidá d’entrevistase coles partes interesaes y llibertá de formatu pa la pieza lliteraria propuesta, llimitando únicamente la estensión y el plazu d’entrega de los trabayos.
El procesu incluyirá, amás de les visites al Archivu, sesiones de consulta y alcuentros d’intercambiu ente participantes, favoreciendo la creación de nueves miraes y conexones ente disciplines artístiques. El potencial d’esta propuesta multidisciplinar ye evidente pa toles partes: visibilidá, crecimientu artísticu, ampliación de perspectives y la posibilidá de texer redes nueves ente artistes afines que pertenecen a disciplines estremaes.
Resultados
El resultáu final materializaráse nuna actu nel propiu Archivu nel que l’escritor/a presentará la so creación y esplicará la esperiencia de diálogu col artista escoyíu/ida.
Una segunda fase podría incluyir la publicación colectiva que recueya los testos creaos, acompañándolos d’una selección d’imáxenes de les obres o materiales documentales de los artistes que sirvieron d’inspiración.
Esta publicación convertiráse nuna nueva ferramienta de difusión y activación del Archivu, ampliando les formes d’accesu a los sos conteníos y fomentando la reinterpretación contemporánea del patrimoniu artísticu asturianu dende la creación lliteraria. La collaboración interdisciplinar ye ún de los finxos que caltién la frescura artística y la lliteratura xuega un papel perimportante qu’esta obra vien a cumplir pa col Archivu.
¿Cuándo?
- Primera sesión: 22 de octubre, a las 16:30 h.
- Duración aproximada de la actividad: 3 horas
