The Plants Sense

12 xunu – 14 ochobre 2018

The Plants Sense (2018) ye una instalación que-y dexa al públicu, al traviés d’un traxe-interfaz intelixente, conocer y esperimentar el llinguaxe secretu de les plantes. Trátase d’un trabayu de calter tresdisciplinar que conecta arte, ciencia, tecnoloxía y sociedá.

La obra ta formada por un xardín interactivu onde dellos sensores miden les oscilaciones eléctriques de les plantes conectaes, y muestren les sos reacciones bioquímiques a la presencia humana y l’ambiente que les arrodia.
Toa esta información ye procesada y traducida en vibraciones y soníos de frecuencia baxa que propicien la percepción de les plantes al traviés d’un wearable. Tamién dellos interfaces dispuestos nel xardín faciliten al públicu esperimentar y sentir nes sos propies manes les reacciones rexistraes de les plantes, al traviés de dellos dispositivos electrónicos.

Esta interacción fai posible la comunicación ente los humanos y les plantes, llegando asina al entendimientu del llinguaxe vexetal, inalgamable ensin l’ayuda de los sistemes robóticos desenvueltos polos artistes.

Esti dispositivu traduz y tresmite precisamente aquelles señales que los seres humanos, por causa del nuestru sistema perceptivu tan limitáu, nun podemos recibir d’otra manera.

Obra diseñada por María Castellanos y Alberto Valverde col sofitu del proyectu VÉRTIGU como parte del programa STARTS de la Comisión Europea, basáu n’elementos tecnolóxicos de florarobótica, col sofitu de LLABoral