SYNSPECIES

26 a 29 abril 2018

SYNSPECIES [Spaceless latitudes] ye un proyectu audiovisual creáu por Elías Merino y Tadej Droljc. Ta inspiráu n’ecoloxíes virtuales –espacios morfolóxicos inestables que surden d’una interacción d’entidaes non rellacionaes coexistiendo col vacíu.

SYNSPECIES son oxetos audiovisuales de múltiples escales que s’adapten, muten y lluchen pol so espaciu y existencia. Estos oxetos co-creen una contorna de fisicalidá irreal que ta esculpida de contino por fuercies violentes esternes. La so existencia muéstrasenos al traviés de narratives fracturaes na percepción suxiriendo una cadena de caos sincronizáu.

Xeneráu por un tándem ente la programación informática y les señales analóxiques, esti proyectu orixínase por una rellación ente la composición algorítmica, los sistemes modulares Buchla y Serge del EMS (Estocolmo) y la síntesis de xeometría 3D. Les arquitectures astractes reales de SYNSPECIES oscilen nun tiempu pulsante ambiguu qu’hibrida y da-yos forma a espacios nuevos enzarraos nun procesu de desintegración perpetua.

SYNSPECIES engloba una serie de performances y instalaciones audiovisuales. La instalación Spaceless Latitudes retrata’l primer trabayu de la serie.