Una instalación sonora pal asosiegu nel LLABoratoriu de Soníu
L’artista Yuri Suzuki presenta El sonido de las olas nel LLABoratoriu de Soníu del Centru d’Arte y Creación Industrial. La instalación esplora los “ruíos blancos”, un soníu que proporciona asosiegu y confort a la xente.
El sonido de las olas ye una instalación que recrea los patrones de les foles de la mar, garrando datos procedentes de delles playes del mundu, y reproduciéndolos acústicamente al traviés d’un Palu d’Agua africanu.
La naturaleza impredicible de los patrones del folaxe ye conocida polos sos efectos relaxantes sobre’l ser humanu. L’artista Yuri Suzuki quier crear nel LLABoratoriu de Soníu «ruíu blancu» -soníu aleatorio onde la densidá espectral de potencia ye una constante, quier dicise, que presenta una gráfica plana- pa espertar, con esta obra, la percepción de confort y disfrute.
La instalación pon l’acústica en primer planu na mente del espectador, eliminando cualquier escesu innecesariu. Esto fai posible que’l soníu viaxe al traviés del cerebru, cambiando les ondes cerebrales del espectador y los mensaxes químicos que podíen alteriar el so estáu.
Tanto la selección del artista como la obra producida ye una propuesta realizada en comuña pol L.E.V. 2015 y LLABoral Centru d’Arte y Creación Industrial.