Esposición conmemorativa pol ventésimu aniversariu del festival xixonés
XXYY: 20 años de Euroyeyé constituye un repasu a les dos décades del decanu de los festivales underground n’Asturies, finxu anual pa la cultura mod y la estética de los años 60 n’España.
La muestra recueye una escoyeta d’obres que se pudieron ver nes esposiciones celebraes n’ediciones anteriores: un conxuntu qu’incluye delles práctiques artístiques, de pintures a fotografía y collage, articulando visiones variaes d’esti movimientu surdíu en Londres a últimos de los años 50 y qu’algamó l’esplendor na década de los 60, pa vivir dende entós revivals socesivos nos 80 y 90.
Amás, incorpora una colección de documentación escrito y audiovisual que testimonia la presencia del festival nos medios de comunicación nacionales y rexonales. Xunto a esto, inclúyense una playlist con cantares de les bandes que pasaron pel Festival, delles semeyes de los asistentes, los conciertos y l’ambiente nes fiestes, amás de cartelos, flyers y más memorabilia que completen esta revisión del festival.
XXYY: 20 años de Euroyeyé tresllada al espectador l’impactu de la cultura mod na estética y les formes de vida y cómo cambió la sociedá nestos últimos 20 años.