Instalación audiovisual que esplora cómo’l cauchu foi una sustancia orgánico lligao al surdimientu del capitalismu, l’imperialismu y la modernidá.
Un continuo elástico: caucho, género y poder ye un proyectu d’investigación artística en cursu qu’esplora cómo’l cauchu, una sustancia orgánico lligao al surdimientu del capitalismu, l’imperialismu y la modernidá, encarna les formes en que los humanos y los non humanos tán íntimamente entrellaciaos col complexu militar-industrial.
A lo llargo d’una serie d’actos qu’entrellacien la investigación cola imaxe en movimientu, el soníu, la escultura, la instalación y el testu, el proyectu ye un intentu de facer evidentes los vínculos tan complexos qu’existen ente les persones, les plantes, la política y el poder.
Taraxacum Koksaghyz, tamién conocíu como tarriellu rusu, ye una planta endémica de Kazakstán que contién cauchu. El proyectu de Bethan Hughes traza’l viaxe revesosu d’esta ‘yerba’ humilde, dende los montes Tien Shan en Kazakstán hasta les caseríes colectives na URSS, los ivernaderos n’Auschwitz y los llaboratorios de les corporaciones multinacionales del cauchu n’Alemaña, y les histories de les muyeres conectaes a esti viaxe.
La instalación combina una escultura de soníu de delles partes incrustada con una película d’una canal namás. El trabayu tamién incluye una publicación curtia de testu y imáxenes qu’analiza les munchísimes conexones qu’hai ente les persones y les plantes y cómo lleguen a enredase y oxetivase nes maquinaciones de la política, la guerra y el comerciu.
De resultes de la investigación sobre les trescientes prisioneres a les que-yos encargaron cultivar Koksaghyz n’Auschwitz y visites/filmaciones nel Xardín Botánicu de Berlín y l’Institutu de Bioloxía Vexetal y Biotecnoloxía de la Universidá de Münster, l’artista llevó a cabu un periodu d’investigación y filmación n’Almaty nel branu del 2023.
Artista seleccionada na convocatoria EMAP European Media Art Platform 2023.