Skeens (del inglés skin [piel] y screen [pantalla]) ye una respuesta artística en clave especulativa al estáu patolóxicu de distracción y desintegración suxetiva qu’esperimentamos los individuos na nuestra existencia conectada a la rede.
A partir de los datos privaos de los últimos 10 años, qu’una de les redes sociales de mayor importancia pon a disposición de los sos usuarios, l’artista propón un exerciciu de decodificación y posterior materialización de la so información.
Nuna residencia de dos meses l’artista prototipó distintes materializaciones testiles, correspondiendo caúna d’elles a una de les trés categoríes de rexistros atopaes depués d’un primer análisis del dataset:
– autoedición, aquellos datos correspondientes a les acciones xeneraes voluntariamente pol usuariu pa diseñar el so perfil,
– interacción, los correspondientes a les acciones de comunicación y intercambéu con otros usuarios,
– los rexistros propios de la rede social, intrínsecos al funcionamientu de la plataforma, davezu con finalidaes analítiques y/o comerciales.
Énte la obligación del autodiseñu y la presión de l’autorreferencialidá nel presente estendíu, Skeens reclama un espaciu y un tiempu propios, que dexen construyir autonarratives dende la memoria, la comprensión y la finitú.
Skeens ye’l proyectu ganador de la XI Beca de Producción LABjoven_Los Bragales