Una instalación inmersiva de Murcof & Jimmy Lakatos
El soníu evocador y estratificao del mexicanu Murcof, coles sos melodíes tristes y microrritmos complicaos, tienen un atractivu especial p’atrayer la collaboración visual. Tres del pasu nel 2010 per Xixón de la so collaboración tan exitosa xunto a Antivj, Murcof vuelve al L.E.V. pa presentar xunto a Jimmy Lakatos (Artificiel) el so proyectu Nébula.
Trátase d’una instalación inmersiva sublime que construye universos visuales en tiempu real, al traviés del usu d’un láser RGB, creáu por Lakatos, que se sincroniza cola música. Una pantalla semicircular difunde la lluz recibida, creando formes voluminoses que floten y xiren nel espaciu, fusionando les composiciones musicales nueves de Murcof coles astronomíes elegantes estra dimensionales de Lakatos.
El L.E.V. va acoyer la premiere mundial en formatu instalativu de Nébula, frutu d’un procesu previu de residencia artística desenvuelta ente Montreal, Girona y Xixón. Y depués de la so estrena en versión en formatu de directo audiovisual na edición pasada de Mutek Montreal.