Proyectu ganador de la Beca de producción DKV Seguros – Álvarez Margaride
The Moon Museum [El Muséu de la Lluna] foi un supuestu proyectu secretu fechu pola NASA en 1969 que consistía en grabar sobre la superficie de la Lluna seis obres realizaes a costafecha por otros tantos artistes norteamericanos de los años 60. Yeren John Chamberlain, Forrest Myers, David Novros, Claes Oldenburg, Robert Rauschenberg y Andy Warhol.
Ensin posibilidá de verificar si finalmente se llevó a la práctica, Karlos Gil rescata la que sería la primer obra de Space Art de la historia y va reflexala nuna instalación que va poder visitase a partir de xunu en LLABoral.
The Moon Museum presenta una construcción narrativa, al traviés de la superposición de rellatos, semeyes y alcordances que, xunto a material audiovisual y tecnolóxico, va mostrar esi muséu secretu de la Lluna, basáu nun rellatu tradicional de la ciencia-ficción, creando un muséu dientro d’otru, en LLABoral.