Espaciu de trabayu y documentación (2011-2012).
Un ensame ye un conxuntu d’insectos asemeyaos, sobre manera les abeyes, onde l’enclín natural ye a estremase y a xenerar soníos, lo que val como metáfora de l’actividá productiva de los grupos sociales. Con esta idea, el grupu de trabayu d’ecoLLAB, va abrir les puertes del Almacén Sur, un espaciu híbridu que muestra los procesos de trabayu, los alcuentros y actividaes d’ecoLLAB, les formes de trabayu de los artistes y los secretos del non-xardín.
El proyectu de LLABoral ecoLLAB ye un llaboratoriu d’esperimentación na intersección de la ecoloxía, l’arte y la electrónica abierta. Un proyectu que quier ayudar a xenerar suxetividaes y dinámiques de rellación cola biosfera y los sos ecosistemes.
Pa esta muestra collaboren dellos artistes y colectivos locales que tuvieron trabayando nos alcuentros abiertos y que foron documentando los procesos de trabayu.
Otra manera, Patio Sur, l’espaciu físicu d’esperimentación d’ecoLLAB, va acoyer una señalética nueva que dexa conocer los secretos y funcionamientu d’esti espaciu verde que, énte un desorde aparente y formal, escuende la guapura y la bayura casual d’un non-xardín.