Mario M. Martínez propón cómo una serie d’estímulos que vienen del mundu dixital alterien los nuestros parámetros biométricos nel mundu real: la lluz de notificación del nuestru móvil, un soníu determináu nel nuestru ordenador o una vibración sutil pue desatar reacciones emocionales variaes.
La so instalación, que ta compuesta d’elementos escultóricos, audiovisuales y sonoros, ye un sistema onde les sos partes s’afecten y producen reacciones ente elles, simulando la respuesta desencadenada que toes estes señales provoquen nes persones.
L’artista fixo la investigación sobre toes estes cuestiones tando nuna residencia de dos meses en Plataforma 0, el Centru de Producción de LLABoral.
Ctrl.+Alt.+Del. [fuerade] ye’l proyectu ganador de la IX Beca de Producción LABjoven_Los Bragales, convocada a comuña por LLABoral y pola Colección Los Bragales, propiedá del empresariu cántabru Jaime Sordo