Muestra de los proyectos premiaos na XXIX edición d’esta convocatoria promovida pola Comunidá de Madrid
La esposición Circuitos d’Artes Plástiques ye’l resultáu de la XXIX edición de la convocatoria que dende 1988 entama la Comunidá de Madrid cola mira de fomentar la creación d’artistes menores de 35 años y ser una plataforma que conecta los artistes mozos col circuitu artísticu y profesional qu’anguaño se desenvuelve na Comunidá de Madrid.
Nesta edición, un xuráu compuestu por profesionales del arte, escoyó diez proyectos de los artistes Víctor Aguado Machuca, Pablo Durango, Alberto Feijóo, Ignacio García Sánchez, Esther Gatón, Inma Herrera, Miguel Marina, Carlos Monleón, Elisa Pardo Puch y Clara Sánchez Sala.
Cola mira d’establecer un sistema d’encaxe ente la producción y les investigaciones de los diez artistes seleccionaos, en cada edición, los artistes acompañáronse por un comisariu que fai l’exerciciu d’observación y análisis d’esti firmamentu artísticu. Anguaño ye habitual que’l llabor del comisariu garre ciertu protagonismu y que les esposiciones tengan una necesidá fundamental de cuntar con una tesis que dea validez y consistencia a una muestra. Daes les característiques del programa de Circuitos, el comisariu d’esta edición Bernardo Sopelana cuestiona esti métodu como mediu pa reforciar la selección de los diez artistes que conformen la edición del 2018.
Polo tanto, esta edición de Circuitos fai por descifrar non solo lo qu’arrodia a les obres seleccionaes, sinón tamién los procesos polos qu’estes se concibieron. Caún de los participantes equival a una estrella de la constelación pa saber que, significativamente y en conxuntu, toos tán involucraos nel desenvolvimientu de la escena más moza de Madrid.
Pasó un añu dende qu’esta muestra s’inauguró en Madrid y la reflexión y l’análisis sigue más vixente pa esta revisión y reinterpretación de les creaciones, idees y escenarios propuestos polos 10 artistes seleccionaos. L’oxetivu de la esposición Constelaciones ye’l d’analizar la dimensión epistémica de la creatividá nel procesu artísticu contemporaneu, rellacionando artista, obra y espaciu. Pa la Sala d’Arte Mozu de la Comunidá de Madrid, los artistes desenvolvieron la producción de les sos obres pa un espaciu específicu. Ye agora que, teniendo un sitiu con característiques distintes tenemos la meyor oportunidá pa contemplar y analizar cómo los procesos determinen una montonera de resultaos, previstos al nun modificar namás ún de los elementos del procesu.