Muestra de los proyectos premiaos na XXVII edición d’esta convocatoria promovida pola Comunidá de Madrid
Circuitos d’Artes Plástiques 2016 ye un proyectu espositivu onde se muestren los trabayos de los artistes seleccionaos na edición 2016 de la convocatoria pública que concede ayudes a la producción d’obra a diez artistes de menos de 35 años residentes en Madrid y qu’entama la Comunidá de Madrid en collaboración col Principáu d’Asturies y LLABoral Centru d’Arte.
La esposición, comisariada por Virginia Torrente, ufierta un panorama variáu y coherente de toles práctiques artístiques actuales. Les obres de los autores presentes na muestra llamen a cuestiones emocionales, averaes a la realidá y a la fantasía, averaos a ún de los conceptos llingüísticos más usaos anguaño: “la posverdá”.
Los artistes seleccionaos pa esta esposición son: Ana Esteve Reig, Julia Llerena, Cristina Mejías, Federico Miró, Sofía Montenegro, Andrés Pachón, Javier Rodríguez Lozano, Alejandro S. Garrido, Françoise Vanneraud, Denica Veselinova.
Como na edición anterior, por causa del alcuerdu de la Comunidá de Madrid y el Principáu d’Asturies, el xuráu seleccionó una de les artistes, nesti casu Denica Veselinova, con una beca de residencia de producción en LLABoral.
La obra producida con esta beca va formar parte de la esposición de Circuitos d’Artes Plástiques 2016. Al tiempu, la esposición en LLABoral Centru d’Arte de Xixón va presentar na Sala Borrón d’Uviéu una selección de trabayos de los mesmos diez artistes, siempre vinculaos a les obres presentaes na Sala d’Arte Mozu de la Comunidá de Madrid en xineru del 2017.