Presentación del tercer episodiu d’ANTICS, protagonizáu por Aida Rivero, una pintora moza de Xixón que ta desenvolviendo un estilu de pintura espresionista con referencies al anime xaponés.
ANTICS ye una serie de mini-documentales/entrevistes producíes por Antic Mass que quier enseñar y dar a conocer el trabayu d’artistes emerxentes na nuestra rexón, al traviés d’un formatu audiovisual d’estilu frescu y esperimental, cola intención non solo de dar a conocer la obra de l’artista y fomentar l’intercambéu d’idees sinón tamién la interacción ente artista y públicu y la formación d’una comunidá activa.
Antic Mass ye una plataforma creativa independiente y multidisciplinar, fundada en Xixón, que publica, promociona y distribuye les idees d’artistes de tol mundu, xenerando un espaciu dende’l que puedan amplificar el so mensaxe, desenvolver los sos proyectos y presentalos al públicu.
Aida Rivero ye una pintora moza de Xixón que ta desenvolviendo un estilu de pintura espresionista con referencies al anime xaponés.