Una forma de vida pos-singularidá y pos-cambéu climáticu
ArchaeaBot ye un prototipu d’instalación robótica submarina qu’esplora lo que podría significar la «vida» nun futuru de pos-singularidá y pos-cambéu climáticu.
Basándose n’investigaciones nueves sobre les archaea (un grupu de microorganismos unicelulares consideraos como la forma de vida más antigua de la tierra y afechos a la vida en condiciones estremes), combinaes coles últimes anovaciones n’intelixencia artificial y aprendimientu de máquines, los artistres intentaron crear la especie ‘definitiva’ pal fin del mundu.
El trabayu ye’l resultáu de la collaboración cola investigadora/criomicroscopista Amanda Wilson nel marcu del proyectu EU MARA, que tien la sede nel Imperial College de Londres. Amás, los artistes tán collaborando con Daniel Polani, profesor d’Intelixencia Artificial na Escuela d’Informática de la Universidá de Hertfordshire.
Anna Dumitriu y Alex May desenvolvieron esti trabayu al traviés d’una residencia artística en LLABoral. La residencia forma parte de la primer convocatoria d’EuropeanMedia Art Platform (EMAP), empobinada a artistes europeos que trabayen con tecnoloxíes nueves. El programa EMAP tien por oxetu fomentar la collaboración ente artistes y instituciones qu’usen estos medios. LLABoral forma parte de la rede de miembros de la plataforma xunto a otres diez instituciones europees prestixoses.