Aeryon fai una interpretación artística de la visión d’un dron de vixilancia, onde la llinia argumental desenvuélvese en función del sitiu de partida. Ye un sistema visual de navegación avanzáu qu’analiza una fonte de datos múltiple pa recrear la guapura d’un paisaxe vistu dende l’aire. Concebida como performance y instalación, la so llinia argumental va evolucionando gradualmente hasta xenerar una contorna multimedia que proporciona dellos niveles d’inmersión y modifica la percepción del espaciu físicu.
La instalación ye una «forma abierta», qu’ufierta al intérprete delles opciones combinatories. El soníu envolvente traduz lo visual nuna esperiencia sónica que ye quién a tresportar al espectador al corazón mesmu d’esti paisaxe electrónicu. Con eses fuercies opuestes de lo virtual y lo real convídase al públicu a vivir una esperiencia contemplativa onde la composición visual cambia cola localización virtual del dron, colo qu’esa esperiencia nunca ye la mesma.
Aeryon ye’l resultáu d’una residencia de producción en LLABoral y seleccionóse nuna convocatoria pública de la Rede ENCAC, liderada por LLABoral Centru d’Arte y Creación Industrial.