OPTX.DRIPS

27 a 30 abril 2023

Xunto a LLABoral Centru d’Arte y Creación Industrial, y en collaboración col proyectu européu RIT (Realities in Transition), la Embaxada de Canadá n’España y la Oficina de Québec en Barcelona, L.E.V. Festival (Laboratorio de Electrónica Visual) presenta la instalación OPTX.drips del artista multidisciplinar canadiense Maxime Corbeil-Perron, autor de trabayos que van de la performance y el cine esperimental a la composición electroacústica y l’arte sonoru.

Esta instalación audiovisual de pantalla doble ye un trabayu d’arqueoloxía multimedia qu’usa elementos y testures de la tecnoloxía del anaglifu estereoscópicu de les gafes 3D antigües coloráu/cian, anguaño obsoletes, y revísteles de tecnoloxía dixital actual pa esplorar toles sos posibilidaes. OPTX.drips tresforma superficies planes de proyección en membranes óptiques riques en relieve y fondura qu’articulen una estética abstracta y espresiva.