Nicolas Bernier. frequencies (light quanta)

28 agostu – 26 ochobre 2014

frequencies (light quanta), 2014, ye la última instalación audiovisual del artista de Montreal Nicolas Bernier, frutu de la so residencia nel LLABoratoriu de Soníu de LLABoral Centru d’Arte y Creación Industrial n’agostu del 2014. Tanto la selección del artista en residencia como la esposición de la obra producida ye una propuesta fecha en comuña pol L.E.V. Festival y LLABoral Centru d’Arte y Creación Industrial.

A partir del cada vez más grande fascinación pola ciencia, la lluz y los procesos básicos de xeneración sonora, l’artista sigue en LLABoral la so investigación centrándose nos cuantos (la cantidá d’enerxía más pequeña que se pue midir). Tol procesu básase nes rellaciones conceptuales posibles ente los principios fundamentales de la física cuántica aplicaos al procesu creativu audiovisual: partícules, probabilidaes, dualidá onda/partícula y la discontinuidá. La composición audiovisual, que xira alredor d’estos conceptos, parte de 100 fragmentos sonoros y llumínicos que se desenvuelven aleatoriamente xenerando una forma n’espansión continua pero anovadora nel tiempu y nel espaciu.

Dao que los fotones (o cuantos de lluz) son emitíos polos electrones, podíemos pensar que la señal eléctrica de los soníos de la instalación ye lo que desencadena les señales de lluz. La composición sonora básase fundamentalmente nel usu de micro soníos y “clicks”, que son los soníos audibles más curtios que pueden oyer los seres humanos. La estructura arquitectónica de les frecuencies (cuantos de lluz) supón una interpretación poética de les llectures proporcionaes polos equipos y circuitos electrónicos que nos ayuden a comprender y visualizar meyor el mundu infinitesimal.