n-Polytope

20 xunetu – 10 setiembre 2012

Comportamientos de lluz y soníu a la manera d’Iannis Xenakis

El proyectu ye una reimaxinación contemporánea de los entornos radicales arquitectónicos del compositor y arquitectu griegu Iannis Xenakis llamaos Polytopes (a partir del griegu poli, ‘munchos’ y topos, ‘espaciu’).

El primeru d’estos espacios, articulaos al traviés de lluz y soníu, presentóse na Espo’67 en Montreal y siguió per Europa y l’Oriente Mediu nos años 60 y 70.

Estes instalaciones evoquen, al traviés de la dinámica temporal de la lluz y el soníu, el comportamientu indetermináu y caóticu de la naturaleza: los ríos, les nubes, les foles y los fenómenos cosmolóxicos.

Reinventar estos politopos va acullá d’un exerciciu históricu ensin más. Estes son obres seminales de la historia de los medios nuevos, de les que, tovía anguaño, desconózse muncha información.

La creación de Xenakis d’estes esperiencies artístiques denses, que no fundamental analicen y modelen el comportamientu y patrones de la naturaleza y el cosmos nes sos fluctuaciones ente orde y desorde, evoca, ensin dulda, la inestabilidá del momentu actual. El visitante disfruta d’una esperiencia rara, de parpaguiáu, d’inestabilidá. Una esperiencia de gran guapura al traviés d’un ambiente de presencies construyíes de lluz y soníu.

La rellectura en LLABoral refléxase nuna performance de 15 minutos y una instalación n’evolución continua que Chris Salter desenvolvió nuna residencia en Plataforma 0. Centru de producción de LLABoral.