Martín Freire. Behind the Scene

19 xunu – 30 agostu 2015

Proyectu ganador de la tercer Beca de producción DKV Seguros – Álvarez Margaride

Behind the Scene vincúlase colos discursos reflexivos que percuerren el trabayu artísticu de Rodrigo Martín Freire alredor de la historia del Arte Contemporaneu y onde se tensionen les rellaciones ente realidá y representación. La obra ye un intentu de poner n’evidencia a los poderes públicos y la so falta d’escúpulos a la hora de manipuliar el mensaxe; cómo escuenden, desmienten, cambien y amazcaren la información pa intentar controlar les pautes de conducta d’un individuu cada vez más alienáu.

Behind the Scene ye una instalación qu’incluye simulacros de valles publicitaries onde, al traviés de fluorescentes led, vense frases y imáxenes formaes por lletres corpórees, onde la interpretación va vese afectada pola interferencia de dellos axentes atmosféricos que son xeneraos al traviés del hardware Raspberry Pi. La posibilidá de qu’estos mensaxes s’entemezan ente ellos aleatoriamente, s’escuendan o coincidan, pon de manifiestu la desconexón que se produz ente la idea primixenia del emisor col entendimientu final del receptor.

Esta obra ye parte de la investigación fecha pol artista n’Intervenciones vinculantes, títulu que, en realidá, nun ye nengún proyectu en concreto y son toos al tiempu; ye un work in progress d’un artista que nel so trabayu conecta les idees con persones cola mira de crear sinerxes acullá de les llendes artístiques preestablecíes. Martín Freire recurre en Behind the Scene a motivos del so contestu de caldía y utiliza recursos procedentes del diseñu gráficu y de la publicidá pa presentar una visión deformada d’una realidá aparente.

Behind the Scene ye’l proyectu ganador de la III Beca de Producción DKV Seguros – Álvarez Margaride y ta producida en Plataforma 0 Centru de Producción de LLABoral.