Liquid ground

18 xunu – 30 ochobre 2021

Liquid ground ye una instalación que garra como exa los fondos oceánicos y la so cartografía pa falar del colonialismu, la ecoloxía y la representación.

Anque los océanos formen el 70 % de la Tierra, hasta’l momentu namás existen mapeos d’una parte mui pequeña de los fondos marinos. Sicasí, nos últimos años, l’interés por mapiar estos espacios aumentó por cuenta de intereses económicos, xeopolíticos y científicos variaos, empeñaos en construyir un “continente nuevu” por esplo(t/r)ar debaxo la mar.

Liquid ground ye un proyectu interdisciplinar qu’investiga sobre les nuestres rellaciones cola superficie más amplia del planeta, los océanos.

L’artista propón una pieza central de video-ensayu, 8 caxes de lluz y un folletu a manera de mapa turísticu.

El proyectu produzse al traviés d’una residencia de cuatro selmanes nel Centru de Producción de LLABoral.

Liquid ground ye’l proyectu ganador de la VIII Beca de producción DKV Seguros-Álvarez Margaride.