Inercia

11 ochobre 2013 – 3 febreru 2014

Inercia fala, según l’artista, de la propia definición que la Física fai de la inercia, resistencia qu’opón la materia pa modificar el so estáu de reposu a movimientu, y rellaciónase colos disturbios qu’asocedieron en dellos países europeos depués de la crisis financiera del euru, sobre manera en Grecia y España. La obra ye una instalación articulada a partir de trés elementos: el re-montaxe de la película Streets of fire (1984), dirixida por Walter Hill; videoxuegos, sobre manera los de shooter en primer persona; y una serie de moldes basaos nel personaxe Jhon-117 del videoxuegu HALO.

Inercia ye’l proyectu ganador de LLABjoven_Experimenta, convocatoria conxunta de LLABoral y l’Institutu Asturianu de la Mocedá de la Conseyería de Presidencia del Principáu d’Asturies, empobinada a artistes o colectivos d’artistes asturianos naturales o residentes nel Principáu d’Asturies que la so edá nun supere los 35 años. Esti gallardón, que yá cumple la sesta edición, ta dedicáu a proyectos artísticos esperimentales concebíos a costafecha pa la so instalación en LLABoral Centru d’Arte.