Conceptu
LLABoral Centru d’Arte y Creación Industrial presenta HOMO LUDENS LUDENS, una esposición internacional y un simposiu qu’examina’l xuegu como un elementu esencial nos nuestros díes, destacando la so necesidá na sociedá contemporánea. Tres de les esposiciones GAMEWORLD y PLAYWARE, que reflexen respectivamente los aspectos lúdicos y sociales de la creatividá del xuegu y del arte interactivu, HOMO LUDENS LUDENS dispón l’escenariu qu’abarca estos datos y afonda na noción de xuegu nun espectru ampliu, mostrando cómo evolucionó na nuestra era dixital.
Proyectos de calter y orientación perestremaes reflexen les espresiones y roles múltiples del xuegu: el xuegu ta siendo reformáu y alteriáu; incorpora temes y fechos sociales y políticos; tresformóse nuna ferramienta pal activismu; ye quién a mecer lo virtual y lo real; revitaliza otres disciplines; el xuegu pue usase indebidamente y esplotase; cuando se cuestionen los estereotipos, propónense preguntes nueves y ufiértense interpretaciones estremaes.
Na mesma dirección, el simposiu internacional HOMO LUDENS LUDENS, entamada col Planetary Collegium, tien como oxetivu enmarcar el contestu del xuegu contemporaneu, destacar el so calter interdisciplinar y presentar la realidá multifacética de la sociedá lúdica na que vivimos. P’algamalo, el Simposiu establez un escenariu especial pal diálogu y la esperimentación onde, al traviés del so programa de dos díes, axunta a espertos internacionales del campu de la teoría del xuegu, amás d’a artistes y investigadores que traten elementos y símbolos del xuegu y la “xugabilidá” nos sos trabayos y actividaes d’investigación.
Entós, anguaño, ¿qué ye xugar y qué significa ser xugador? La esposición y el sim pueden concebise como una revisión del xuegu como elementu vital na nuestra vida cotidiana y como una especulación de la emerxencia del Homo Ludens Ludens, l’home xugador contemporaneu.