Esposición LLABoral Impulsa 2021

14 ochobre 2021 – 15 xineru 2022

Creatividá, Industria y Tecnoloxía

Esta esposición muestra los proyectos fechos nel marcu del programa de residencies entamáu por LLABoral Centru d’Arte y Xixón IMPULSA. Una iniciativa dirixida a profesionales y empreses del sector cultural y creativu que desenvuelven los sos proyectos a lo llargo d’una estancia de residencia nel Centru d’Arte.
Los diez proyectos participantes, que s’alcuentren en distintos momentos de desenvolvimientu, toquen disciplines tan diverses como la cerámica, la realidá virtual, la moda, el diseñu gráficu o les artes escéniques. Tolos profesionales participantes tienen en común el so apueste por usar enfoques y procesos innovadores que singularicen les sos empreses y les sos formes de trabayu.

Les residencies de LLABoral_IMPULSA busquen reforciar l’actividá y servicios de Xixón IMPULSA a estos colectivos a partir de la so integración con otru axente de la Milla del Conocimientu. LLABoral Centru d’Arte facilita les sos instalaciones y infraestructures de trabayu, acompañamientu, orientación y conexones relevantes na so rede local, nacional y internacional de contactos y collaboraciones. Pel so llau, IMPULSA ufre la oportunidá de participar nos sos programes d’apoyu al emprendimientu y a la consolidación empresarial.