Arte asturianu en residencia 2020

5 febreru – 29 mayu 2021

Muestra de los proyectos de la Convocatoria de Residencies Artístiques 2020

Los proyectos que componen la muestra fixéronse col sofitu del programa Residencies Artístiques 2020, una convocatoria de LLABoral que quier valir de ferramienta pa que’l texíu creativo asturiano de les artes plástiques, visuales, escéniques y sonores disponga del Centru d’Arte y los sos recursos nes sos producciones.

Les propuestes son mui diverses ente elles, pero tienen en común l’interés por investigar y esperimentar sobre los sos contestos averaos y sobre cuestiones abiertes a debate nel presente.

Dende l’averamientu a la cultura tradicional asturiana, al traviés de la so música, a la revisión del planteamientu estéticu y los cambeos de les nuestres ciudades, al traviés de la so arquitectura. Nesta esposición entecrúciense mensaxes alredor del cuerpu y los afectos, con histories familiares y memoria democrática.

En caún de los proyectos pue achisbase la marca de les collaboraciones coles que cuntaron, los espacios onde desenvolvieron la so residencia y tol esfuerciu y talentu qu’estos y estes artistes demostraron a lo llargo d’esti 2020 tan atípicu.