Arqueologías del futuro

30 setiembre 2016 – 15 xineru 2017

Arqueologías del futuro garra como puntu de partida la obra del arquitectu asturianu Joaquín Vaquero Palacios, creador de les centrales hidroeléctriques de Salime (1954), Silviella (1958-1962) y Proaza (1964-1965) propiedá d’EDP. Les centrales tán cubiertes de figures que representen delles formes d’enerxía, el so orixe y tresformación. La tecnoloxía industrial apaez como un axente de cambéu poderosu, que ye quién a dominar la naturaleza. Esti proyectu analiza’l papel mediador que la tecnoloxía industrial tuvo y tien ente naturaleza y sociedá.

La instalación ye un archivu espandíu, una cápsula temporal, que nos tresllada a un momentu indetermináu nel tiempu. Un futuru hipotéticu onde l’alcuentru con fragmentos d’estos relieves evidencia la desapaición d’un impulsu anovador, que ye quién a proponer alternatives a un modelu de xestión enerxética obsoletu. Retayos d’historia y de futuru convídenos a analizar y repensar los vínculos ente trabayu, tecnoloxía, naturaleza y sociedá.

Arqueologías del futuro ye’l proyectu ganador del Premiu LLABjoven_Los Bragales, convocáu en conxuntu pola Colección Los Bragales, propiedá del empresariu cántabru Jaime Sordo, y LLABoral Centru d’Arte. El proyectu desenvolviólu Fran Meana al traviés d’una residencia de producción de dos meses en Plataforma 0. Centru de Producción de LLABoral.

La investigación foi posible gracies a la collaboración d’EDP, que facilitó l’accesu al so archivu y centrales