Cuerpos, identidaes y territorios
Foto: Fredy F.
La performance ye una ferramienta de tresformación social y política. Atalantamos la necesidá d’averar les artes d’anguañu al pueblu enteru y crear pontes ente tolos actores territoriales, asina como xenerar procesos creativos coleutivos y afayadizos.
TALLERES
- La xaula de Petra
Territorios y llendes de l’aición ente l’arte y la vida.
Imparte: Ánxel Nava
Horariu: del sábadu 7 a les 9 h. al domingu 8 de marzu a les 9 h.
- Cuerpos, minoríes y resistencies
Analís de la performance como arma de resistencia pa cuerpos ya identidaes minorizaes.
Imparte: María Rodríguez
Horariu: domingu 15 de marzu de 11:30 h. a 14:30 h. y de 16 h. a 19 h.
- Aición, tresdisciplinaridá, hestoria y autobiografía
Creación de dispositivos escénicos y performativos dende la dialéutica de los materiales.
Imparte: Anto Rodríguez
Horariu: domingu 29 de marzu de 11:30 h. a 14:30 h. y de 16 h a 19 h.
- Performance "Sesión sicográfica"
A cargu de: Iago Alvite y Pablo Gallo
Horariu: sábadu 21 de marzu a les 21 h.
Entrada 2 euros
Toles sesiones van facese en Paraíso Local Creativo C/ Paraíso Nº 10 (garaxe) Inscribimientu previo nos talleres: localparaiso@gmail.com
Preciu: 5 € sesión
Paraíso Local Creativo ye un espaciu coleutivu autoxestionáu ya interdisciplinar, un llugar onde xenerar procesos artísticos collaborativos en llibertá. Asitiáu muries afuera del cascu antiguu d’Uviéu, emplégase como taller y sala d’ensayu p’artistes de tolos ámbetos dende 2011. Tresfórmase p’acoyer y entamar festivales multidisciplinares, conciertos, espeutáculos, esposiciones y sesiones averaes a les artes contemporanies.
Ánxel Nava
Artista visual, poeta y aicionista de trayeutos míticos col so personaxe d’aición “El Bardu Errante”. Fizo una enseñanza de la plástica na Universidá Popular de Xixón y fundó espacios como Luzernario Taller d’Arte Actual y Espaciu Astragal, de referencia pa les artes d’Asturies. Miembru de más d’un Paraísu, el so compromisu col arte social y la cultura local propón un diálogu ente cuerpos, oxetos y tradiciones nel territoriu. Dende les sos aiciones nel Muru de Berlín (1986) a la muralla d’Uviéu (2012), ente la performance ritual y el Land Art, desendolca un discursu de los llugares y les intervenciones performatives na ciudá.
Anto Rodríguez
Llicenciáu n’Arte Dramático pola ESAD de Xixón, Máster n’ Artes Escéniques pola URJC de Madrid, Máster en Práutica Escénica y Cultura Visual por Arte-a y UAH. Agora ye doctorandu pola UCLM cola tesis “Autobiografía escénica contemporánea: dramaturxes disidentes” y becariu predoctoral (MINECO) del proyeutu Teatralidaes Disidentes dirixío por José Antonio Sánchez (Arte-a).
María Rodríguez Suárez
Licenciada en Belles Artes, especialista en “Aplicaciones sociales de la cultura artística” ya investigadora doctoral nel programa de Xéneru y Diversidá de la Universidá d’Uviéu. Collaboró con instituciones artístiques como Arteleku (Donostia), el Muséu d’Arte Contemporáneu de Barcelona (MACBA) o’l Centru Niemeyer (Avilés). Tamién participó como mediadora en programes del Conseyu de la Mocedá del Principáu d’Asturies, Mocedá n’Aición, Institutu Asturianu de la Muyer y proyeutos entamaos por delles otres asociaciones y coleutivos asturianos.
